Foto: Baqtiiar Bakaev
Expo-qalashyq aýmaǵyndaǵy "Nur Álem" sferasy Túrkiia týynyń túsine boialdy, - dep habarlaidy Tengrinews.kz saity.
Osylaisha, Qazaqstan joiqyn jer silkinisinen zardap shekken túrik halqyna tilektestigin bildirdi.
Eske salaiyq, buǵan deiin 6 aqpanda Túrkiianyń ortalyǵy men ońtústik-shyǵysynda, Siriiamen shekaralas jerde joiqyn jer silkinisi bolǵany habarlanǵan bolatyn. AQSh Geologiialyq qyzmeti málimetinshe, 7,8 baldyq jer silkinisi jergilikti ýaqyt boiynsha saǵat 04:17-de Gaziantep mańynda 17,9 shaqyrym tereńdikte tirkelgen.
Prezident Qasym-Jomart Toqaev Úkimetke Túrkiiadaǵy apatqa qatysty shuǵyl kómek kórsetýdi tapsyrdy. Memleket basshysy Túrkiia Prezidenti Rejep Taiyp Erdoǵanmen telefon arqyly sóilesip, Qazaqstannan qutqarýshylar men dárigerler baratynyn málimdedi. Osylaisha, qazaqstandyq TJM qutqarýshylary Túrkiiaǵa attandy.
8 aqpanda Prezident Qasym-Jomart Toqaev Túrkiia Respýblikasyna shuǵyl kómek retinde 1 million dollar bólýdi tapsyrdy. Sonymen qatar, ol Qazaqstandaǵy Túrkiia elshiligine baryp, kóńil aitty.
