Astanadaǵy túzetý balabaqshalarynyń birinde tárbieshiniń kómekshisi balany birneshe ret urǵan. Oqiǵa túsirilgen video áleýmettik jelide tarap, jurttyń narazylyǵyn týdyrdy, dep habarlaidy ult.kz.
Kadrlardan balanyń jylaǵany, al basqa balalardyń qorqyp turǵany baiqalady. Jeli qoldanýshylary balabaqshalardaǵy baqylaýdy kúsheitip, balalardyń qaýipsizdigin qamtamasyz etýdi talap etti.
Astana qalalyq politsiia departamentiniń málimetinshe, video 2024 jylǵy qazanda túsirilgen. Balabaqshada tárbieshiniń kómekshisi bolyp jumys istegen áieldiń jeke basy anyqtalyp, ol politsiia basqarmasyna jetkizilgen. Sondai-aq zardap shekken balalardyń ata-analary anyqtalǵan.
Qazir oqiǵanyń mán-jaiyn jan-jaqty anyqtaýǵa baǵyttalǵan tergeý áreketteri júrgizilip jatyr.
Aita keteiik, buǵan deiin Aqtóbe oblysynyń Begimbet aýylyndaǵy balabaqshada tárbieshiniń kómekshisi uiyqtap jatqan bir jarym jasar sábidiń betin tyrnap alǵany habarlanǵan edi. Osy jaǵdaidan keiin arnaiy komissiia qurylyp, tekserý bastalǵan jáne sot-meditsinalyq saraptama taǵaiyndalǵan.
