Foto: Freepik
Astanada qurylys alańynda alpinisterdiń qulaý faktisi boiynsha kúdikti qamaýǵa alyndy, dep habarlaidy qalalyq prokýratýra.
Politsiia departamenti Qylmystyq kodekstiń 277-baby 3-bóligi "Abaisyzda eki nemese odan da kóp adamnyń ólimine ákep soqqan qurylys jumystaryn júrgizý kezinde qaýipsizdik qaǵidalaryn buzý" boiynsha sotqa deiingi tergeý júrgizip jatyr.
"Tergeý barysynda jumys berýshi – JK (IP) basshysynyń qyzmetkerlerdiń qaitys bolýyna qatysy bar ekeni týraly dálelder jinaldy. Qala prokýratýrasynyń tapsyrmasymen tergeý organy JK basshysyna qatysty "qamaýda ustaý" túrindegi bultartpaý sharasyn qoldandy", - delingen habarlamada.
Quqyqbuzýshylyqqa qatysy bar barlyq adamdy anyqtaý boiynsha jumystar júrgizilip jatyr. Qylmystyq isti tergeý barysy qala prokýratýrasynyń baqylaýynda, dep atap ótti vedomstvodaǵylar.
Esterińizge sala keteiik, qaiǵyly oqiǵa biyl 12 qazanda boldy. Astanadaǵy qurylys nysanynda 4 ónerkásiptik alpinist toǵyzynshy qabattan qulap, saldarynan úsheýi qaza boldy. Jumysshylardyń úsheýi 1999 jylǵy bolsa, bireýi 2002 jyly týǵan.
