Astanada jolaýshylar avtobýsynyń qozǵaltqysh bóliginen órt shyǵyp, oqiǵa ornyna qutqarýshylar jedel jetti, dep habarlaidy ult.kz.
Tótenshe jaǵdailar ministrliginiń málimetinshe, oqiǵa Esil aýdanyndaǵy Ál-Farabi dańǵyly boiynda bolǵan. Órt sóndirýshiler kelgen kezde avtobýstyń qozǵaltqysh bóligi ashyq jalynmen janyp jatqan.
TJM málimetinshe, qutqarýshylar jetkenge deiin barlyq jolaýshy avtobýstan ózdiginen shyǵyp úlgergen.
Órt sóndirýshilerdiń jedel áreketiniń arqasynda jalyn qysqa ýaqytta tolyq sóndirilip, onyń kólikke tolyq taralýyna jol berilmedi.
Oqiǵadan zardap shekkender joq. Qazirgi ýaqytta órttiń shyǵý sebebi anyqtalyp jatyr.
