Astanada qoǵamdyq kólikte jol júrý aqysyn 110-nan 150 teńgege kóterý usynyldy. Jańa tarifti 1 jeltoqsannan bastap qolma-qol aqshasyz tólemge engizý josparlanyp otyr, dep habarlaidy ult.kz.
Ákimdik tariftiń ósýin tasymaldaýshylardyń shyǵyndary aitarlyqtai artqanymen túsindirdi. 2014 jyldan beri dizel otynynyń baǵasy 107 teńgeden 329 teńgege deiin ósken. Al avtobýs júrgizýshileriniń jalaqysy 100-150 myń teńgeden 700 myń teńgege deiin artqan.
Sońǵy úsh jylda qaladaǵy avtobýs parki 1127 jańa kólikpen tolyqtyrylǵan.
Ákimdik áleýmettik jeńildikter saqtalatynyn málimdedi. Kópbalaly otbasylar, zeinetkerler, múgedektigi bar azamattar jáne basqa da jeńildik sanattary úshin tegin jol júrý múmkindigi qalady. 18 jasqa deiingi oqýshylar da qoǵamdyq kólikte tegin júredi.
Jańa tarif boiynsha usynys tiisti tártippen qaralady.
