Astanada azamattarǵa júrgizýshi kýáligin jasap berýge ýáde etip, 2,3 mln teńge alǵan alaiaq 3 jyl 6 aiǵa bas bostandyǵyn shekteý jazasyna sottaldy, dep habarlaidy ult.kz..
Sotta prokýror onyń kinásin tolyq dáleldedi. Sottalýshy kinásin moiyndap, keltirilgen shyǵyndy ishinara ótegen. Osy jaittar eskerilip, oǵan probatsiialyq baqylaý belgilendi. Sonymen qatar jyl saiyn 100 saǵat májbúrli eńbekke tartý jazasy taǵaiyndaldy.
Sottalǵan adamǵa turǵylyqty jáne jumys ornyn probatsiia qyzmetin habardar etpei ózgertýge, alkogoldik ishimdik ishiletin oiyn-saýyq oryndaryna barýǵa tyiym salyndy. Sondai-aq jumyssyz qalǵan jaǵdaida jumyspen qamtý organyna tirkelýi jáne 22:00-den 06:00-ge deiin turǵylyqty jerinen tys jerde bolmaýy tiis.
Sot úkimi zańdy kúshine endi.
Prokýratýra azamattardy júrgizýshi kýáligin nemese ózge de memlekettik qyzmetterdi zańsyz jolmen alýǵa ýáde etetin adamdarǵa aqsha bermeýge shaqyrdy.
