Astana qalasynyń kriminaldyq politsiia qyzmetkerleri iri kólemde alaiaqtyq jasady degen kúdikpen 41 jastaǵy qala turǵynyn ustady, dep habarlaidy ult.kz.
Polisia.kz málimetinshe, kúdikti belgili bir merzimge jalǵa alǵan kásipkerlik nysandy óz menshigindegi múlik retinde tanystyrǵan. Ol ózin kafeniń zańdy iesi retinde kórsetip, satyp alýshymen kelissóz júrgizip, jalǵan aqparat arqyly onyń senimine kirgen.
Keiin taraptar arasynda jalǵan satyp alý-satý mámilesi jasalyp, kúdikti jábirlenýshiden 21 million teńge alǵan. Alaida aqshany iemdengen soń mindettemesin oryndamai, boi tasalaǵan.
Aldanǵanyn túsingen azamat politsiiaǵa aryzdanǵan. Jedel-izdestirý sharalarynyń nátijesinde kúdiktiniń jeke basy anyqtalyp, ol ustaldy.
Aldyn ala málimet boiynsha, kúdikti bul áreketti bótenniń múlkin zańsyz iemdený maqsatynda aldyn ala josparlaǵan.
Atalǵan derek boiynsha qylmystyq is qozǵalyp, sotqa deiingi tergeý júrgizilip jatyr.
Politsiia azamattarǵa kommertsiialyq nysandardy satyp alar aldynda menshik quqyǵyn rastaityn qujattardy muqiiat tekserip, málimetterdi memlekettik derekqorlar arqyly naqtylaýǵa keńes beredi.
