Astanada meditsina qyzmetkerleri úshin úsh jataqhana salý josparlanyp otyr, sonymen qatar, salalyq dárigerler turǵyn úimen qamtamasyz etiledi, dep habarlaidy "Ult aqparat" Elorda Infoǵa silteme jasap.
«Astana qalasynyń Qoǵamdyq densaýlyq saqtaý basqarmasy salalyq meditsina mamandaryna turǵyn úi berýdi josparlap otyr. Biz qyzmetkerlerdiń tapshylyǵyn azaitý úshin turǵyn úi máselesin, sondai-aq 1 500 orynǵa arnalǵan úsh jataqhana salýdy josparlaýdamyz», - dep habarlaidy basqarma.
Vedomstvonyń aqparatyna sáikes, 2018 jyldyń 1 shildesine deiin Meditsinalyq uiymdar basqarmasynyń qaramaǵynda 37 meditsinalyq uiym, onyń ishinde 11 031 meditsina qyzmetkeri, sonyń ishinde 3 945 dáriger jáne 7 086 orta meditsina qyzmetkeri jumys isteidi.
Qalalyq emhanalarda akýsher-ginekolog, anesteziolog-reanimatolog, nevropatolog, laborant, oftalmolog, otorinolaringolog, kardiolog, endokrinolog, rentgenolog, reanimatolog, pýlmonolog jáne taǵy basqa mamandar tapshy.
«Meditsinalyq qyzmetterdiń sapasyn jaqsartýdyń mańyzdy joldarynyń biri - kadrlardyń tapshylyǵyn azaitý, meditsina qyzmetkerleriniń biliktiligin arttyrý jáne kúndelikti tájiribege halyqaralyq sapa standarttaryn engizý bolyp tabylady» delingen habarlamada.
Atalǵan máselelerdi sheshý úshin Astana qalasynyń Qoǵamdyq densaýlyq saqtaý basqarmasy elimizdegi quzyretti meditsinalyq ýniversitetter men «Bolashaq» Halyqaralyq baǵdarlamalar ortalyǵymen memorandýmdarǵa qol qoidy.
