Astanada ózge adamnyń derbes derekterin paidalanyp, onyń atyna 1,4 million teńge kóleminde taýarlyq nesie rásimdedi degen kúdikpen 23 jastaǵy turǵyn ustaldy, dep habarlaidy ult.kz.
Astana qalasy politsiia departamentiniń baspasóz qyzmetiniń málimetinshe, kúdikti jábirlenýshiniń uialy telefonyna qol jetkizip, onyń ruqsatynsyz banktik qosymshaǵa kirgen. Keiin qurylǵy iesiniń jeke derekterin paidalanyp, 1,4 million teńge kóleminde taýarlyq nesie rásimdegen.
Tergeý nusqasyna sáikes, kúdikti alynǵan qarajatty óz qajetine jumsap, jábirlenýshige materialdyq shyǵyn keltirgen.
Jedel-izdestirý is-sharalary barysynda politsiia kúdiktiniń jeke basyn anyqtap, ony bólimshege jetkizdi.
Qazirgi ýaqytta atalǵan fakti boiynsha sotqa deiingi tergeý júrgizilip jatyr.
