Foto: 2gis
Astanada ulttyq balalardy ońaltý ortalyǵynyń ǵimaratynan órt shyqty, dep habarlaidy «Ult aqparat» qalalyq TJD-ne silteme jasap.
3 sáýir saǵat 19:58-de Turan dańǵyly, 36 mekenjaiynda ornalasqan ulttyq balalardy ońaltý ortalyǵynyń transformatorlyq qosalqy stansasynyń jertólesinde elektr kabeli janǵan. Odan shyqqan ottyń betin qaitarýǵa untaqty órt sóndirgish qoldanyldy.
Órt sóndirýshilerdiń úilesimdi áreketiniń arqasynda saǵat 21:13-te jalyn oqshaýlanyp, 21:20-da sóndirildi.
Em alyp jatqan 300 bala óz betinshe ǵimarattan shyǵyp úlgergen. Eshkim zardap shekken joq.
Órttiń aldyn ala sebebi — elektr symynyń qysqa tuiyqtalýy. Meditsina mekemesi Densaýlyq saqtaý ministrligine qaraidy.
"Astana ákimdigi patsientterdi ornalastyrýǵa kómektesti. Janynda anasy bar balalar qalanyń qonaq úilerine jáne ulttyq ǵylymi kardiohirýrgiia ortalyǵyna kóshirilgen. Astanada turatyn naýqastar úiine jiberildi. Qajet bolǵan jaǵdaida qala statsionarlaryna aýystyrylady. Búkil patsientter meditsinalyq qoldaýmen qamtamasyz etiledi" deidi ákimdikten.
Ulttyq balalardy ońaltý ortalyǵy shamamen 4-5 sáýirde jumysyn qaita bastaidy.
