Astana qalasyndaǵy №76 mektep-litseiiniń ishinen ult kósemi, Alash Orda qozǵalysynyń qairatkeri Álihan Bókeihanǵa arnalǵan mýzei ashyldy.
Mýzeidiń saltanatty ashylý rásimine ǵalym, ári Álihannyń urpaǵy Ortai Ábdirahmanov aqsaqal, belgili alashtanýshy ǵalymdar – professor Tursyn Jurtbai, álihantanýshy Sultan Han Aqqululy, QR UǴA akademigi Dihan Qamzabekuly jáne «Aq jol» demokratiialyq partiiasynyń múshesi, QR Parlament Májilisiniń depýtaty Berik Dúisembinov, sondai-aq ata-analar men oqýshylar qatysty.
Ǵalym Sultan Han Aqqululy óziniń sózinde bul Álihannyń qurmetine resmi túrde ashylǵan tuńǵysh murajai ekenin aitty.
Jańadan ashylǵan murajaida Alashtyń ardaqty azamatynyń portreti, qairatkerlik kezeńderin kórsetetin qujattyq derekteri bar arnaiy stendter qoiylǵan.
Sonymen qatar, alashtanýshy ǵalymdar Abai, Alash, Álihan, Shákárim, Maǵjan atyndaǵy dárishanalarda sabaq ótkizdi. Al, mekteptiń bastaýysh synyp oqýshylary Alash taqyrybynda mánerlep óleńder oqydy.
