Astanada ákimshilik ǵimarattardyń biriniń front-ofisinde tosyn jaǵdai tirkeldi. 68 jastaǵy er adam metall izdegish ramkadan ótý kezinde kópshilik aldynda shalbaryn sheship jibergen, dep habarlaidy ult.kz.
Politsiia qyzmetkerleri er adamnyń jeke basyn anyqtady. Ol Óskemen qalasynyń turǵyny, 68 jastaǵy Rizabek Jumaǵaliev bolyp shyqqan.
Politsiianyń málimetinshe, er adam bul áreketimen qoǵamdyq orynda ózin-ózi ustaýdyń jalpyǵa ortaq normalaryn buzyp, ainalasyndaǵylarǵa qurmetsizdik tanytqan.
Osyǵan bailanysty oǵan usaq buzaqylyq faktisi boiynsha ákimshilik hattama toltyrylyp, is materialdary sotqa joldandy.
Politsiia azamattardy qoǵamdyq oryndarda tártip saqtap, ainalasyndaǵylardyń quqyqtary men zańdy múddelerin qurmetteýge shaqyrdy. Qoǵamdyq tártipti qasaqana buzǵan jaǵdaida zańda belgilengen jaýapkershilik qarastyrylǵan.
