Astanada politsiia 19 jastaǵy jigitti esirtki zattaryn saqtap, taratty degen kúdikpen ustady, dep habarlaidy ult.kz.
Polisia.kz málimetinshe, jedel-izdestirý sharalary barysynda kúdikti mingen JAC avtokóligi toqtatylǵan. Politseiler kólikti tintý kezinde júksalǵyshtan quramynda mefedron bar aq tústi untaq tárizdi zat salynǵan túiinshek tapqan.
Keiin kúdiktiniń ýaqytsha turyp jatqan jaldamaly páteri tintildi. Ol jerden osyǵan uqsas zat salynǵan taǵy 20 iri túiinshek anyqtaldy.
Tárkilengen zattyń jalpy salmaǵy shamamen 1 kelini qurady.
Atalǵan fakti boiynsha qylmystyq is qozǵalyp, kúdikti ýaqytsha ustaý izoliatoryna qamaldy. Qazir oqiǵanyń mán-jaiy men iske qatysy bolýy múmkin ózge tulǵalar anyqtalyp jatyr.
