"Jolaýshylar tasmaly" AQ baspasóz qyzmeti
Elordanyń 43 jastaǵy turǵyny poiyzda 7 mln teńgege jýyq aqshasyn umytyp ketken. Kólik politseileri tez arada sómkeni taýyp, iesine qaitardy, dep habarlaidy Sputnik Qazaqstan saity Polisia.kz portalyna silteme jasap.
3 aqpan kúni 43 jastaǵy astanalyq Almaty – Oral poiyzynda 4 mln teńge jáne 6 myń dollar salynǵan sómkesin umytyp ketken.
Er adamnyń aitýynsha, ol Esil stansasynan shyqqan. Úige barǵanda sómkesi joq ekeni esine túsken. Osydan keiin elordalyq kólik politseileriniń kómegine júgingen.
Jedel izdestirý sharalary nátijesinde tártip saqshylary sómkeni taýyp, iesine qaitardy.
Er adam qyzmettik mindetin adal atqarǵan politseilerge rizashylyǵyn bildirdi.
"Qyzmetkerler birden áreketke kóshti. Poiyz bastyǵymen bailanysqa shyǵyp, sómkeniń qaida jatqanyn anyqtady. 6 saǵat ótkennen keiin qujattarym jáne aqsham ózime tapsyryldy. Politseilerge kórsetken kómegi úshin alǵys aitamyn", - dedi Astana turǵyny.
