Búgin «Nur Otan» partiiasynyń hatshysy Álibek Áldenei ASTANA telearnasynyń ujymyna jańa bas direktordy tanystyrdy, dep habarlaidy "Ult aqparat" telearnanyń baspasóóz qyzmetine silteme jasap.
Jańa basshy - buryn «NUR Media» holdingi bas direktorynyń orynbasary qyzmetin atqarǵan Ázizhan Ábildinov.
Álibek Áldenei telearnanyń burynǵy basshysy Qurmanbek Jumaǵalidyń atqarǵan jumysyn atap ótti.
Telearna Q. Jumaǵalidiń basshylyǵymen 2020-2021 jyldary elimizdiń jetekshi telearnalarynyń TOP-4-ine endi.
Biylǵy segiz aidyń qorytyndysy boiynsha telearnanyń ortasha úlesi jalpy telebaǵdarlamanyń 10%-yn quraidy.
Telearnanyń materialdyq-tehnikalyq bazasy jańartyldy. «Nur Otan» partiiasynyń qoldaýymen 2020-2021 jyldary Táýelsizdiktiń 30 jyldyǵyna orai birqatar tabysty mediajobalardy iske asyrdy.
Bul - «Táýelsizdiktiń 7 qyry» filmder toptamasy, «Byt pervym», «Bez prava na oshibký», «Ómir-dastan» rolikteri, «Iz pervyh ýst» interaktivti baǵdarlamasy, «Qazaqstan» mýzykalyq klipi.
Telejobalarda Táýelsizdiktiń 30 jyly ishinde Qazaqstannyń qalyptasýyndaǵy Tuńǵysh Prezident – Elbasy Nursultan Ábishuly Nazarbaevtyń tarihi rólin ashýǵa erekshe nazar aýdarylǵan.
Álibek Áldenei Astana telearnasynyń jańa basshysy Ázizhan Ábildinovti tanystyra otyryp, onyń 2017 jyldan bastap «Nur Media» holdinginde BAQ máselelerimen ainalysqanyn atap ótti.
Sonymen qatar, QR Prezidenti Ákimshiliginde, ortalyq jáne jergilikti memlekettik organdarda jumys istegenin aitty.
Onyń tikelei qatysýymen Nur Media holdinginde birqatar internet jobalar quryldy.
Nur Otan partiiasynyń hatshysy qazirgi tańda ASTANA telearnasyna mańyzdy mindetter qoiylyp otyrǵanyn aitty.
Telearnanyń joǵary reitingin, qarjylyq kórsetkishterin jáne tabystylyǵyn saqtap qalý qajet. «Nur Otan» partiiasynyń jáne memlekettik saiasattyń basymdy baǵyttaryn tiimdi nasihattaýdy qamtamasyz etý.
Telearnanyń jańalyqtary ózekti jáne halyqtyń shynaiy problemalaryn kórsetýi kerek.
Munyń bári jańa basshynyń menedjementtik tiimdiliginiń kórsetkishi bolmaq.
