Foto: Aqmola oblystyq PD baspasóz qyzmeti
Astana – Petropavl tas jolynyń 112-shaqyrymynda eki júk kóligi soqtyǵysty. Saldarynan bir adam kóz jumyp, bir adam aýrýhanaǵa tústi, dep habarlaidy «Ult aqparat» Aqmola oblystyq PD baspasóz qyzmetine silteme jasap.
Aqmola oblysy PD baspasóz qyzmetiniń dereginshe, jol apaty 2024 jyldyń 1 sáýirinde oryn alǵan. Aldyn ala málimetter boiynsha, saǵat 20:58-de Kókshetaý jaqtan kele jatqan DAF XF 95-480 markaly kóligi joldyń shetinde turǵan "KamAZ-dyń" artyna soǵylǵan. Boljam boiynsha, jol shetinde turǵan júk kóligi eshqandai belgi bermegen, dabyl jaryǵy janbaǵan.
"Qazirgi kezde, osy oqiǵaǵa bailanysty Qylmystyq kodekstiń 345-babynyń 3-bóligi "Kólik quraldaryn basqaratyn adamdardyń jol júrisi nemese kólik quraldaryn paidalaný erejelerin buzýy" boiynsha sotqa deiingi is qozǵalyp, tergeý amaldary júrgizilýde. Sonymen birge, sot-meditsinalyq saraptama taǵaiyndaldy", - dedi vedomstvodan.
Soqtyǵysý saldarynan qos kólik te aýdarylyp, joldyń ekinshi jáne úshinshi jolaqtaryn jaýyp tastady. "KamAZ" kóliginiń júrgizýshisi alǵan jaraqattarynan oqiǵa ornynda jan tapsyrdy. DAF júrgizýshisi ártúrli jaraqattarmen aýrýhanaǵa jetkizildi.
