«Astana Opera» memlekettik opera jáne balet teatrynda Ulttyq dombyra kúnine orai «Basty rólde – Dombyra» atty taqyryptyq kórme ashyldy, dep habarlaidy ult.kz.
Ekspozitsiia teatrdyń foiesine qoiyldy. Ony osy kúnderi qoiylymǵa kelgen kórermender men teatrǵa ekskýrsiia jasaǵan qonaqtar tamashalai alady.
Kórme teatr shyǵarmashylyǵyndaǵy dombyranyń mańyzyn aishyqtaidy.
Beinematerialdar men muraǵattaǵy qujattar dombyranyń teatr ónerindegi orny men qazaqtyń dástúrli mýzykalyq murasyn dáripteýdegi mánin kópshilikke keńinen tanystyrady.
«Astana Opera» teatrynyń repertýaryndaǵy qazaqtyń klassikalyq mýzykasy men tarihi taqyryptarǵa qurylǵan ulttyq qoiylymdarynda dombyranyń úni erekshe oryn alady. Solardyń qatarynda Ahmet Jubanov pen Latif Hamididiń «Abai», Evgenii Brýsilovskiidiń «Qyz Jibek», Muqan Tólebaevtyń «Birjan – Sara» operalary jáne ózge de qoiylymdar bar. Bul týyndylarda dombyra keiipkerlerdiń bolmysyn ashyp, dáýir tynysyn sezindirip, sahnadaǵy oqiǵany ulttyq rýhpen sabaqtastyrady.
