Elimizdiń media salasyndaǵy basty sharalardyń biri «Astana Media Week-2021» ekinshi kúniniń aiasynda sarapshylar qaýymdastyǵy qoǵam men BAQ-tyń jańa, kovidten keiingi álemdegi róli jaily áńgimelep, Qazaqstandaǵy jarnamalyq media naryǵynyń perspektivalaryn taldady, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Bul kún «QR Táýelsizdik kezeńinde BAQ-tyń qalyptasýy» taqyrybyndaǵy dóńgelek ústelinen bastaldy. Qazaqstandyq televiziianyń damýy, Jýrnalister odaǵynyń qurylýy jáne kadrlardy daiarlaý máseleleri týraly qazaqstandyq jýrnalistikanyń maitalmandary bolyp tabylatyn azamattar sóz qozǵap, pikir almasty.
Keiin «Qoǵam jáne BAQ jańa, kovidten keiingi álemde» atty paneldik diskýssiia ótti. Oǵan Qazaqstan, Shveitsariia, Avstriia elderiniń sarapshylary qatysty. Paneldik diskýssiia qatysýshylary osy kúnderi qoǵamnyń qalai ózgeretini jáne osy ózgeristerdiń prizmasy arqyly qazirgi zamanǵy BAQ qandai bolýy kerektigi týraly óz kózqarastaryn bildirdi.
«QR jarnamalyq media naryǵy: aǵymdaǵy jaǵdai, damý perspektivalary, problemalar men sheshimder» taqyrybyndaǵy dóńgelek ústeli aiasynda Orta Aziia jarnama qaýymdastyǵynyń sarapshylary men iri TV-seilz-haýs ókilderi 2021 jyldyń birinshi jartyjyldyǵynyń qorytyndysy boiynsha jarnamalyq media naryǵyndaǵy qazirgi jaǵdaimen bólisti.
Qatysýshylar indýstriianyń turaqty damýyn qamtamasyz etý úshin qazirgi jaǵdailardy eskere otyryp, zańnamaǵa qandai ózgerister engizý qajettigin talqylady. Sondai-aq, barlyq máseleler boiynsha memlekettik organdar men OAJQ arasyndaǵy ózara áreketteriniń alǵashqy qadamdary jaily kelisip aldy.
«AMW» barysynda tuńǵysh ret «Fremantle» televiziialyq kontentiniń eýropalyq distribiýtory, «Sony Pictures» filmderi men televiziialyq baǵdarlamalarynyń óndirýshisi jáne distribiýtory, «Nbc /Universal» amerikandyq mass-media kompaniiasy, «Kiss Media» televiziialyq ónimder men media kompaniianyń distribiýtory «Global Agency» ókilderi ózderiniń úzdik ónimderiniń tusaýkeserlerimen Formats Day ótti.
Formats Day qatysýshylary beine kontenttiń jetekshi óndirýshileriniń seriktesteri bolýǵa múmkindik aldy.
Astana Media Week-2021 aiasynda «Biz birgemiz!» atty áleýmettik beinerolikter stsenariileriniń tusaýkeserleri kesildi. Is-sharany «Habar» Agenttigi» AQ uiymdastyrdy. Jobaǵa onnan astam qazaqstandyq prodiýserler men stsenarister qatysty. Barlyǵy 20 stsenarii usynylǵan, biraq tek 9 qatysýshy irikteý kezeńinen ótip, óz ideialaryn usyndy.
Tusaýkeser nátijesi boiynsha Ainur Asylbekqyzy «Otbasylyq qundylyqtar» atty kategoriiasynda júldeger atandy. «Ekologiia» kategoriiasynda eń úzdik stsenarist bolyp Limara Bekturǵanova atandy. «Qarjylyq saýattylyq» taqyryby boiynsha jeńimpaz - Súleimen Nurdáýlet bolyp tanyldy. Atalǵan stsenariiler boiynsha daiyn beinerolikterdi «Habar» jáne «Habar 24» telearnalary kórsetetin bolady.
«Qazaqstan» RTRK uiymdastyrǵan pitching barysynda bolashaq serialdardyń stsenariileri talqylandy. Munda otandyq prodakshn-stýdiialardyń ókilderi 2022 jylǵa arnalǵan jańa serialdar úshin ideialary men usynystaryn berdi. Astana Media Week-2021 aiasynda ótip jatqan baiqaýǵa 21 kompaniia ótinim bergen edi. Televiziialyq jumystar Qazaqstannyń tarihi qairatkerlerine, ata-babalarymyzdyń tarihi murasyn, aýyl ómirin nasihattaýǵa, rýhani astanasy - Túrkistanǵa, tarihi Otanyna oralǵan qandastarǵa, qutqarýshylarǵa, sportty, halyq kásipshiligin, ulttyq jáne otbasylyq qundylyqtardy nasihattaýǵa arnalýy tiis. Korporatsiia jariialaǵan baiqaý 30 qyrkúiekke deiin jalǵasady.
Statistika boiynsha, Astana Media Week-2021 ekinshi kúni 6425 onlain qaraldy. Eń úlken aýditoriia 25-34 jas shamasyndaǵylar edi.
«Qoǵam jáne BAQ jańa, kovidten keiingi álemde» atty paneldik diskýssiia osy kúnniń eń zor suranysyna ie boldy. Oǵan 1574 adam qosyldy. Sosyn eń kóp qaralǵan shara «QR jarnamalyq media naryǵy: aǵymdaǵy jaǵdai, damý perspektivalary, problemalar men sheshimder» dóńgelek ústeli boldy. Sarapshylar pikirtalasyna 1248 kórermen qosyldy.
Sondai-aq, «Qazaq radiosy. Efirde 100 jyl» sheberlik saǵatynyń aýditoriiasy da 1136 kórermenge deiin jetti.
