«Astana LRT» kompaniiasy elordada nóser kezinde salonyna sý kirip ketken avtobýstyń videosyna qatysty túsinikteme berdi, dep habarlaidy Qazaqparat tilshisi.
Buǵan deiin áleýmettik jelide Astana kóshesimen júrip kele jatqan avtobýstyń salonyn tolyǵymen sý alyp ketkeni kórinis tapqan video taraǵan edi.
«Jelide taraǵan videoǵa kelsek, avtobýsty sý basý qaýpi bolǵandyqtan, júrgizýshi qozǵalysty toqtata almady. Sol sebepti júrgizýshi sý basqan aýmaqtan júrip ótip, kelesi ainalymyn ýaqytsha ózgertilgen shema boiynsha bastaǵan», - dep túsindirdi kompaniianyń baspasóz hatshysy Naýat Azanbaeva QazAqparat tilshisine. Baspasóz hatshysynyń habarlaýynsha, qazir de B. Momyshuly dańǵylynyń A.Toqpanov - Saraishyq bóligin sý basyp jatyr.
Aita keteiik, Astanada tolassyz jaýǵan nóser jańbyrdan kóshelerdi sý alyp, birqatar avtobýs baǵdary ózgertildi. B. Momyshuly dańǵylynyń A.Toqpanov - Saraishyq kóshesi aralyǵynda júretin №15, 47, 51, 56, 61, 101 avtobýs baǵdarlary 21 tamyz 06:00-den bastap sý tazartylǵansha ýaqytsha qozǵalys baǵyttaryn ózgertedi.
