Astanada qoǵamdyq kólik jolaqysyn tóleý úshin kobrendingtik bank kartalary men SMS-tólem engiziledi, dep habarlaidy "Ult aqparat" «Astana LRT» baspasóz qyzmetine silteme jasap.
«Jaqyn arada kobrendingtik kartalardy shyǵaramyz. Osy arqyly jolaýshy eki kartanyń ornyna bir kartamen júrý (qosarly chip) múmkindigine ie bolady. Qoldanýshyǵa kólik kartasyn satyp alý mindettelmeidi. Árbir jolaýshy óz bankine baryp, qosarly karta ala alady», - dep habarlady Astana LRT.
Pilottyq joba aiasynda alǵashqy 3-5 myń karta Eýraziialyq bankpen birlesip shyǵarylmaq. Aldaǵy ýaqytta basqa bankterde de iske qosý josparlanyp otyr. Odan bólek, jaqyn arada qoǵamdyq kólik paidalanýshylary kólik kartasyn uialy telefon arqyly qashyqtan toltyrý múmkindigine ie bolady.
Beeline jáne Kcell / Activ uialy bailanys operatorlarynyń abonentteri kólik kartasynyń nómirin jáne qysqa nómirge tólem somasyn kórsete otyryp, balansty toltyra alady. Bul qarajattar telefon balansynan karta balansyna kóshedi.
Sondai-aq, Beeline pen Kcell / Activ saittary (www.beemoney.beeline.kz jáne www.mobimoney.kz) arqyly, sonyń ishinde uialy qosymshalar men portaldardyń mobildi nusqalary arqyly kólik kartasyn tolyqtyrýǵa bolady.
Qashyqtyqtan toltyrý úshin:
- «Eýraziialyq bank» AQ internet-bankingi - smartbank.kz;
- «CapitalBank Kazakhstan» AQ internet-bankingi - b1nk.kz;
- «Eýraziialyq bank» AQ terminaldary qoljetimdi;
