Kúres túrlerinen Nur-Sultanda ótip jatqan álem chempionatynda qazaqstandyq balýan Ashat Dilmuhamedov Olimpiada joldamasyn ielendi, dep habarlaidy olympic.kz.
Grek-rim kúresinen 77 kelide beldesetin Ashat Dilmuhamedov shirek finalda serbiialyq balýandy 3:2 esebimen jeńip, álem birinshiliginiń jartylai finalyna ótti. Grek-rim kúresiniń erejesi boiynsha litsenziialyq álem chempionatynda 1-den 5-shi orynǵa deiingi aralyqta oryn alǵan balýandar Olimpiada joldamasyna ie bolady. Osylaisha, Ashat Dilmuhamedov Tokio Olimpiadasynyń litsenziiasyna qol jetkizdi. Búgin 60 kelidegi Meirambek Ainaǵulov ta joldama ielengen bolatyn. Ashat Dilmuhamedov Halyqaralyq dárejedegi sport sheberi. Aziia chempiony jáne Aziia chempionattarynyń qola júldegeri. Búgin irikteý ainalymynda Ashat Dilmuhamedov eki dúrkin Olimpiada chempiony, tórt dúrkin Eýropa chempiony Roman Vlasovty jeńgen bolatyn.
