Bilim jáne ǵylym ministri Ashat Aimaǵambetov muǵalimder kúni qarsańynda barsha jurtshylyqty óz ustazdaryn quttyqtap, jyly lebiz bildirýge shaqyrdy, dep habarlaidy "Ult aqparat" ministrdiń Facebook-tegi jazbasyna silteme jasap.
«Ár adamnyń ómirinde onyń alǵashqy ustazy erekshe oryn alady. Alǵashqy ustazdyń bala ómirindegi róli, ásirese, búldirshinder bastaýysh synyptan 5-synypqa aýysqan kezde baiqalady.
Meniń alǵashqy ustazym Liýbov Valentinovna Gomzeleva boldy.
Ol adamnyń ádemi jazýy men ásem kúlkisi áli kúnge deiin esimde. Bastaýysh synyptarda oqyp júrgenimizde ózimizdi erekshe sezindik, muǵalimniń oqýshylarǵa degen qamqorlyǵy men súiispenshiligin kórip óstik. Synyptaǵy ár oqýshy muǵalimniń qoldaýy men mahabbatyn sezip, ózin erekshemin dep oilaýy — bul pedagog boiyndaǵy erekshe bir qasiet bolar.
Tarih pániniń muǵalimderi Marat Isabekuly men Tynyshtyq Nurbekqyzynyń sabaqtary óte qyzyqty ótetin. Shetel tili muǵalimi Alla Vasilevnanyń esimi jadymda saqtalyp qaldy. Sondai-aq orys tili pániniń muǵalimi Liýbov Ivanovna da esimde. Erekshe qatal jáne talapshyl muǵalim edi. Muǵalimimizdiń «qanatty sózderi» búgin bizdiń de sózdik qorymyzdan tabylyp jatady.
Joǵary oqý ornynda oqyp júrgen kezdegi oqytýshylarym da keremet jandar boldy. Olar stýdentterdiń jeke tulǵa bolyp qalyptasýlaryna aitarlyqtai áser etti.
Qazan aiynyń birinshi jeksenbisinde elimizde Muǵalimder kúni atap ótiledi. Kásibi merekege orai Bilim jáne ǵylym ministrligi #Ustazyńdyquttyqta aktsiiasyn bastady. Barshańyzdy ustazdaryńyzdy quttyqtap, jyly lebizderińizdi bildirýge shaqyramyn», - dep jazdy Ashat Aimaǵambetov.
