Mektepterde dástúrli oqý qalai júrip jatyr jáne orta bilim oshaqtaryndaǵy epidemiologiialyq jaǵdai qalai? Bul suraqtarǵa QR Bilim jáne ǵylym ministri Ashat Aimaǵambetov jaýap berdi, dep habarlaidy QazAqparat.
«Biylǵy oqý jyly dástúrli túrde bastaldy. Oǵan 1,5 ai ýaqyt ótti. Kórip otyrǵandaryńyzdai, elimizde indettiń taralýy báseńsip keledi. Balalardyń koronavirýsqa shaldyǵýyn shilde-tamyz ailarymen salystyrsaq, qazir jaǵdai jaqsarǵan, iaǵni virýstyń taraýy aitarlyqtai tómendegen. Elimiz boiynsha balalar arasynda koronavirýstyń taralýy 0,1 paiyzdan aspai tur», - dedi A. Aimaǵambetov elordada ótip jatqan ulttyq mektep sport ligasy barysynda.
Onyń aitýynsha, mektepterde sanitarlyq talaptar tiisti deńgeide saqtalǵan.
«Keibir synyptar karantinge jiberilip, qashyqtan oqyp jatyr. Al keibir synyptar kerisinshe mektepke qaita oralyp jatyr. Jalpy kórsetkish 0,1 paiyzdan aspaidy. Iaǵni jaǵdai turaqty. Eń bastysy – mektepte sanitarlyq talaptar qatań saqtalýda jáne karantin erejelerin ustana otyryp, bilim berý óz deńgeiinde jalǵasa beredi», - deidi ol.
