QR QK BSh Uiymdastyrý jumyldyrý jumystary departamentiniń baǵyt aǵa ofitseri Rýslan Tapashev, dep habarlaidy QazAqparat.
«Áskeri qyzmetkerlerdiń tamaqtanýyn ary qarai jaqsartý baǵytynda Qazaq tamaqtaný akademiiasymen birlese ulttyq dastarhannyń erekshelikterin eskere otyryp, azyq-túlik normalaryn jetildirý jumystary júrgizilip jatyr. Osy oraida áskerilerdiń tamaqtanýy ratsionyna qosymsha jylqy, qoi, túie, úirek, qaz etin jáne túrli balyq etterimen tolyqtyrý josparlanyp otyr. Munymen qosa, qurt, qymyz, shubat siiaqty dástúrli taǵamdar men sýsyndardy engizý qarastyrylǵan. Osy arqyly tamaqtaný quramyn jaqsartamyz», - dedi Rýslan Tapashev Ortalyq kommýnikatsiialar qyzmetinde.
Budan buryn habarlanǵandai, Qazaqstan Prezidentiniń 2021 jylǵy aqpandaǵy Jarlyǵyna sáikes, biylǵy 1 qyrkúiekten bastap kúzgi azamattardy merzimdi áskeri qyzmetke shaqyrý is-sharalary bastalady. Jyl sońyna deiin ásker qataryn 17 myńǵa jýyq jas jigit tolyqtyrady. Áskerge shaqyrylatyndar PTR zertteýden eki ret ótedi.
