QR Premer-Ministri Asqar Mamin Batys Qazaqstan oblysyna jumys saparymen bardy, dep habarlaidy QR Úkimetiniń baspasóz qyzmeti.
Úkimet basshyys onda QR Tuńǵysh Prezidenti – Elbasy N. Á. Nazarbaev bastamashy bolǵan «Nurly jer», «Nurly jol», Indýstriialyq-innovatsiialyq damý memlekettik baǵdarlamasyn iske asyrý barysymen, sondai-aq, Memleket basshysy Q. K. Toqaevtyń óńirler ekonomikalaryn damytý jónindegi tapsyrmalarynyń oryndalýymen tanysty.
Úkimet basshysy Qarashyǵanaq jáne Chinarev munai-gaz kondensatty ken oryndarynda boldy, onda «Qarashyǵanaq Petroliým Opereiting B.V.» jáne «Jaiyqmunai» JShS kásiporyndarynyń jumysymen tanysty.
Asqar Maminge 2019 jyldyń qorytyndysy boiynsha Batys Qazaqstan oblysynda 19 759,5 mln tekshe m gaz ben 11,4 mln tonna munai óndirý josparlanǵany baiandaldy.
Oblys ortalyǵynda — Oral qalasynda Asqar Mamin azyq-túlik, jihaz, qurylys jáne óńdeý ónerkásibi kásiporyndaryna — «Jelaev nan ónimderi kombinatyna», «Kýblei» JShS konservi zaýytyna, «Akvakýltýra tájiribelik-ónerkásiptik óndirisiniń oqý-ǵylymi keshenine», «Kvant» korpýsty jihaz óndiretin fabrikaǵa, «Bolashaq–T» turǵyn úi qurylysy kombinatyna, Oral transformator zaýytyna, shinalar men quramynda rezina bar qaldyqtardy óńdeitin «Kama Tsentr» kásipornyna bardy.
«Jaiyqjylýqýat» AQ aralaý barysynda QR Premer-Ministrine óńirdiń jylýmen, sýmen jáne energiiamen jabdyqtaý salasyndaǵy jaǵdaiy týraly, sondai-aq jergilikti tabiǵi monopoliialar sýbektileriniń jumysy jaily baiandaldy.
Asqar Mamin Oral qalasyndaǵy «Nurly jol» memlekettik baǵdarlamasy aiasynda salynyp jatqan «Aqjaiyq» jańa shaǵyn aýdanynyń jáne 9 qabatty turǵyn úidiń qurylysynyń barysymen tanysty.
Asqar Mamin Joǵary agrarlyq-tehnikalyq kolledjdi aralaý barysynda oqý ornynyń oqytýshylary ázirlegen, ǵimarattar men nysandardyń ZD-jobalaý júiesiniń jumysyn qarap, óńirdi tsifrlandyrý jobalarymen tanysty.
