QR Premer-Ministri Asqar Mamin Almaty oblysyna jumys saparymen bardy, dep habarlaidy primeminister.kz.
QR Premer-Ministri Asqar Mamin Almaty oblysyna jumys saparymen bardy, onda QR Tuńǵysh Prezidenti – Elbasy N. Á. Nazarbaev bastamashy bolǵan «Nurly jol», «Nurly jer», IIDMB memlekettik baǵdarlamalary aiasyndaǵy investitsiialyq jobalardy iske asyrý barysymen, sondai-aq, Memleket basshysy Q. K. Toqaevtyń óńir ekonomikasyn damytý jónindegi tapsyrmalarynyń oryndalýymen tanysty.
Úkimet basshysy Almaty oblysynyń Eńbekshiqazaq aýdanynda aýyl sharýashylyǵy ónimderin qaita óńdeý salasyndaǵy jobalardyń damýymen tanysty, atap aitqanda: eksportqa baǵdarlanǵan «Amal Bio» JShS alma baqtarymen, eleýli eksporttyq áleýeti bar «Adal» AÓK AQ tsifrlyq sútti-taýar fermasymen jáne júgeri ósiretin alańmen tanysty.
Jambyl aýdanynda Úkimet basshysy «EmpireFood» JShS et kombinatyna, Qarasai aýdanynda «Hamle» JShS konditerlik ónimder zaýytyna bardy.
2019 jyldyń qańtar-tamyz ailarynda Almaty oblysynyń negizgi kapitalyna investitsiialar kólemi 305,3 mlrd teńgeni nemese ótken jyldyń sáikes kezeńine shaqqanda 103,3% qurady. Ósim Indýstriialandyrý kartasy jobalaryn, «Nurly jol», «Nurly jer» baǵdarlamalaryn iske asyrý, gazdandyrý jumystaryn júrgizý, «Alacem» tsement zaýytyn salý, «Sarybulak 2» JES, «Lýkoil» mailaý materialdaryn shyǵarý zaýytyn salý arqyly qamtamasyz etildi.
IIDMB jáne Indýstriialandyrý kartasy aiasynda 2019 jyly 1214 jumys ornyn qurýmen, 61,9 mlrd teńgege 11 jobany iske asyrý josparlanǵan. Olardyń ishindegi iri jumys oryndary: «Jetisý Majiko Agrokesheni» JShS (mai ónimderi men qurama jemniń óndiristik keshenniń qurylysy) jáne «Meat Processing and Service» et óńdeý kesheni.
