19 qazanda Úkimet otyrysynda «Aýyl – el besigi» jobasynyń iske asyrylý barysy qaraldy. Biyl 27 qazannan bastap QR Premer-Ministri Asqar Maminniń tapsyrmasy boiynsha ortalyq memlekettik organdardyń basshylary aýyldyq eldi mekenderdegi infraqurylymdy jańǵyrtý barysyn baqylaý maqsatynda óńirlerge inspektsiialyq saparlardy bastady, dep habarlaidy primeminister.kz.
Qazaqstanda aýyl halqynyń 89%-y turatyn 3561 perspektivaly aýyl (1173 tirek jáne 2388 seriktes) aiqyndaldy. 2019-2021 jyldary «Aýyl – el besigi» jobasy, sondai-aq Jumyspen qamtý jol kartasy, «Nurly jol» jáne «Nurly jer» baǵdarlamalary boiynsha jáne jeke investitsiialar esebinen aýyldyq aýmaqtardy damytýǵa 1,2 trln teńge baǵyttaldy.
TKSh, kólik, bilim berý, densaýlyq saqtaý, mádeniet jáne sport salalarynda 12 myńnan astam joba iske asyryldy, 6,5 myń joba iske asyrylý satysynda.
Aldaǵy tórt jylda «Aýyl – el besigi» jobasyn qarjylandyrý kólemi 800 mlrd teńgege deiin ulǵaiady, al barlyq qarjy kózderin eskere otyryp, aýyldardy jańǵyrtýǵa 1,3 trln teńge josparlanǵan.
2025 jylǵa qarai aýyldyq jerler 100% sýmen jabdyqtaý qyzmetterimen qamtamasyz etiledi, 10 myń shaqyrym kentishilik joldardyń jai-kúii jaqsartylady, 12 myń shaqyrym injenerlik jeli, birneshe myń áleýmettik infraqurylym obektisi salynady jáne jóndeledi, 5 myń aýyl mektebi jańǵyrtylady.
AÓK salasynda 4,5 trln teńge somasyna 1 myńǵa jýyq joba iske asyrylady. Aýyl sharýashylyǵyndaǵy eńbek ónimdiligi 2,5 ese artady, qaita óńdelgen ónim úlesin 70%-ǵa deiin jetkize otyryp, AÓK ónimderiniń eksporty 2 ese artady. 1 mln aýyl turǵynynyń tabysy artady, aýyl sharýashylyǵynda 500 myń jumys orny qurylady.
Biyl 29 qazanda QR Premer-Ministri Asqar Mamin Aqmola oblysyna jumys sapary barysynda «Aýyl – el besigi» jobasynyń iske asyrylýyn tekserdi.
Úkimet basshysy Astrahan aýdanynyń Astrahanka aýylyndaǵy jáne Atbasar aýdanynyń Bastaý aýylyndaǵy densaýlyq saqtaý, bilim berý, mádeniet jáne sport, tirshilikti qamtamasyz etý jáne AÓK nysandaryn aralady.
Aqmola oblysynda 298 perspektivaly aýyldyq eldi meken anyqtaldy. 2019-2021 jyldary óńirdiń aýyldyq aýmaqtarynyń infraqurylymyn jańǵyrtýǵa 70 mlrd teńge bólindi.
«Aýyl – el besigi» jobasy aiasynda áleýmettik infraqurylym nysandaryn, TKSh, kentishilik joldardy, sý qubyry jelilerin jóndeý jáne salý boiynsha 88 joba iske asyryldy. 1140 jumys orny quryldy, onyń ishinde 200-i turaqty jumys orny.
Biyl barlyq memlekettik baǵdarlama boiynsha Aqmola oblysynyń aýyldyq eldi mekenderin damytý boiynsha jalpy somasy 22,3 mlrd teńgege 203 joba iske asyrylyp jatyr. 2022-2025 jyldarǵa óńirdiń aýyldyq aimaqtaryn damytýǵa shamamen 120 mlrd teńge bólý josparlanǵan.
A. Mamin eńbek ardagerlerimen jáne óńirdiń qurmetti turǵyndarymen kezdesti. Úkimet basshysy aýyldyq eldi mekenderdiń damýyna jańa serpin beretin «Aýyl – el besigi» jobasyn ýaqtyly jáne sapaly iske asyrýdyń mańyzdylyǵyn atap ótti.
«Memleket basshysy Qasym-Jomart Toqaev «Aýyl – El besigi» jobasyn iske asyrýǵa jáne aýyldyq eldi mekenderdegi turmys sapasyn arttyrýǵa kóp kóńil bóledi. Úkimet músheleri «Aýyl – El besigi» jobasynyń jáne aýyl aimaqtaryn damytýdyń basqa da baǵdarlamalarynyń oryndalýyn baqylaý boiynsha elimizdiń barlyq óńirine inspektsiialyq saparlardy bastady. Aýyldyq jerlerde infraqurylymdy jańǵyrtý boiynsha jobalardy iske asyrý qarqyny erekshe baqylaýda», — dedi A. Mamin.
