Jumys sapary barysynda Qazaqstan Respýblikasynyń Premer-Ministri Asqar Mamin Baiqońyr qalasynyń áleýmettik-ekonomikalyq damýymen, sonymen qatar, ǵarysh salasyndaǵy Qazaqstan-Resei taraptarynyń ortaq jobalaryn júzege asyrý barysymen tanysty, dep habarlaidy QazAqparat Qyzylorda oblysy ákimi baspasóz qyzmetine silteme jasap.
Sondai-aq, Premer-Ministr «Soiýz MS-15» basqarylatyn ǵarysh kemesiniń ushyrylýy sátin tamashalady. Juldyzdy qalashyqta «Nurly jer» memlekettik baǵdarlamasy aiasynda salynǵan turǵyn úilerdi aralap kórip, qalany gazdandyrý jumystarymen tanysty.
Asqar Uzaqbaiulyna Baiqońyr qalasynda atqarylyp jatqan jumystar jaily Qyzylorda oblysynyń ákimi Qýanyshbek Ysqaqov baiandady.
«Baiqońyr qalasynda «Nurly jer» baǵdarlamasy aiasynda 50 páterli bes úidiń qurylysy aiaqtaldy. Qurylystyń jalpy aýmaǵy-15,7 myń sharshy metr, munda 250 páter bar. Úiler ortalyq sý jáne káriz júiesine qosylǵan. Jylý jáne ystyq sýmen qamtamasyz etý úshin tabiǵi gazben avtonomdy bý qazandyǵy ornatylǵan. Qazirgi ýaqytta baspana kezeginde turǵan Baiqońyrdaǵy QR azamattaryna páter berilýde», - dedi óńir basshysy.
Aita keteiik, «Qyzylorda oblysyn gazdandyrý jáne jańa aktivter qurý» investitsiialyq jobasyn iske asyrý aiasynda Baiqońyr qalasyn «Beineý - Shymkent» gaz qubyryna qosý jáne Baiqońyr qalasynyń jetkizýshi gaz qubyry men kvartalishilik gaz taratý jelilerin salý boiynsha jumystar júrgizildi. Búginde qazaqstandyq áleýmettik nysandar men boi kótergen 5 kóp qabatty turǵyn úi gaz jelilerine qosylǵan. Tutynýshylar úshin gaz baǵasy – tekshe metrine 20,90 teńge.
Premer-Ministrge «Baiqońyr» kesheninde erkin ekonomikalyq aimaq qurýǵa bailanysty atqarylyp jatqan jumystar da baiandaldy.
Sodan soń, Asqar Mamin qonaq úi keshenderiniń qurylys barysymen, atap aitqanda, «Resei» qonaq úii men «Nóldik kvartal» qonaq úi keshenin qaita jańǵyrtý jumystarymen tanysty.
Qazirgi tańda qalanyń oiyn – saýyq-týristik áleýetin arttyrý úshin Qyzylorda oblysynyń ákimdigi men Baiqońyr qalasynyń ákimshiligi «Resei» qonaq úii men «Nóldik kvartal» nysandaryn jalǵa alý máselesin talqylaýda.
Qyzylorda oblysyna jumys saparynyń sońynda QR Premer – Ministri «Soiýz MS-15» basqarylatyn ǵarysh kemesiniń ushyrylý sharasyna qatysty. Ǵaryshqa Oleg Skripochka (RF), Djessika Meir (AQSh) jáne Hazza ál-Mansýri (BAÁ) attandy.
