QR Premer-Ministri Asqar Mamin eldegi sanitariialyq-epidemiologiialyq ahýal týraly Úkimet otyrysyn ótkizdi, dep habarlaidy "Ult aqparat".
«Delta shtamnyń taralýyna bailanysty óńirlerde epidemiologiialyq jaǵdai nasharlady. Respýblika boiynsha naýqastaný aitarlyqtai kóbeigen. Aýrýhanadaǵy oryndar sanynyń 56 paiyzy, al reanimatsiialyq oryndardyń 44 paiyzy toldy», - dedi Asqar Mamin.
Úkimet basshysy pandemiiadan shyǵýdyń jalǵyz joly – vaktsinalaý ekenin eske saldy.
«Qazirgi ýaqytta 5,5 mln-ǵa jýyq adam vaktsinanyń birinshi komponentin ektirdi jáne 4 mln-ǵa jýyq adam ekinshi komponentin aldy. Bul jumysty jalǵastyrý qajet», - dedi Premer-Ministr.
