QR Premer-Ministri Asqar Mamin Nur-Sultan qalasyna «Úlken Eýraziia: Dialog. Senim. Seriktestik» Eýropa jáne Aziia elderiniń parlamentteri spikerleriniń 4-keńesine qatysýǵa kelgen Chernogoriia, Slovakiia, Soltústik Makedoniia, Moldova, Oman, Katar jáne Nepal parlamentteriniń spikerlerimen ekijaqty kelissózder júrgizdi, dep habarlaidy "Ult aqparat".
Chernogoriia Skýpshinasynyń Prezidenti I. Braiovichpen, Soltústik Makedoniia Assambleiasynyń tóraǵasy T. Djaferimen jáne Slovakiianyń Ulttyq keńesiniń tóraǵasy A. Dankomen kezdesýlerde týristik, aýyl sharýashylyǵy, kólik salalarynda yntymaqtastyqty damytý, sonyń ishinde birlesken óndirister qurý jáne Balqan túbegi men Ortalyq Eýropa elderiniń Qazaqstannyń tranzittik jáne kóliktik áleýetin Qytai men Ońtústik-Shyǵys Aziia memleketteriniń naryqtaryna shyǵý úshin paidalanýyn keńeitý arqyly damytý máseleleri talqylandy.
Oman sultanatynyń konsýltativtik keńesiniń tóraǵasy H. H. Nasser Ál-Maýalimen jáne Katar memleketiniń konsýltativtik keńesiniń tóraǵasy Ahmad Ben Abdalla Ben Zaid Ál-Mahmudpen áńgimelesý barysynda munai-gaz, taý-ken metallýrgiia jáne týrizm salalaryndaǵy investitsiialyq yntymaqtastyqty damytýdyń úlken áleýetiniń bar ekeni atap ótildi.
Nepal Parlamenti ókilderi palatasynyń spikeri Krishna Bahadýr Maharamen ótken kelissózderde Shymkent qalasynda týristik klasterdi damytý boiynsha «CG Corp Global» konglomeratynyń investitsiialyq jobalardy júzege asyrý jaǵdaiy men perspektivalary talqylandy.
Moldova Parlamentiniń tóraǵasy Z. Grechanyimen ótken kezdesýde eki el arasyndaǵy saýda-ekonomikalyq jáne investitsiialyq yntymaqtastyqqa serpin berý qajettigi, onyń ishinde Úkimetaralyq komissiianyń jumysyn jandandyrý jáne Qazaqstan men Moldova kásipkerleri úshin biznes-forým uiymdastyrý arqyly qol jetkizý atap ótildi.
