Almaty oblysyna jumys sapary barysynda QR Premer-Ministri Asqar Mamin «Lýkoil» JAQ prezidenti Vagit Alekperovpen birge Ile aýdanynda «Lýkoil Lýbrikants Ortalyq Aziia» JShS mailaý materialdaryn shyǵaratyn zaýyttyń ashylý saltanatyna qatysty, dep habarlaidy "Ult aqparat".
Arnaýly sózinde Úkimet basshysy Qazaqstanda qazirgi deiin elimizdiń kómirsýtek sektoryna $9,5 mlrd investitsiia salǵan «Lýkoil» kompaniiasynyń zaýytynyń ashylýy elimizdiń munai-gaz sektorynyń damýynyń qazirgi vektoryna, atap aitqanda, shikizattyq baǵyttylyqtan tereń óńdeletin ónim shyǵarýǵa kóshýge sai keletinin aitty.
Zaýyttyń qýattylyǵy — jylyna 100 myń tonna ónim – 800-den asa mai túrlerin qamtidy. Óndiris Qazaqstan men Ortalyq Aziia elderiniń, sondai-aq, Qytai, Aýǵanstan jáne Mońǵoliianyń ishki naryǵyn mailaý mailarymen qamtamasyz etýge arnalǵan. Zaýytqa «Batys Eýropa – Batys Qytai» kólik magistraliniń jaqyn ornalasýy logistikalyq protsesterdi ońtailandyrýǵa múmkindik beredi.
Kásiporynnyń qurylysyna jáne ony jaraqtandyrýǵa salynǵan jalpy investitsiialar kólemi $94 mln qurady. Joba Qazaqstan Respýblikasynyń zańnamasy men ónerkásiptik qaýipsizdik, eńbekti qorǵaý jáne qorshaǵan ortany qorǵaý salasyndaǵy halyqaralyq quqyq talaptaryna qatań sáikestikte júzege asyryldy.
QR Premer-Ministriniń qatysýymen «Lýkoil» JAQ jáne «QazMunaiGaz» UK» AQ arasynda «Qazaqstan Respýblikasynyń aýmaǵyndaǵy ýchaskelerdi birlesip zertteý týraly» kelisimge qol qoiyldy.
