Aqtóbede bir aptada «qyzyl» mártebesi bar eki, «sary» mártebesi bar 9 adamnyń kópshilik orynǵa barǵany anyqtaldy. Bir adamǵa aiyppul salyndy, dep habarlaidy "Ult aqparat".
Aqtóbe oblysy boiynsha 623 nysanda «Ashyq» qosymshasy qoldanylady. Qazirgi kezde jeke jaǵajai ieleri ótinish berip jatyr.
«Óńirde karantin shekteýi kúsheiip, jaǵajai ieleri «Ashyq» jobasyna ótinish berip jatyr. Jalpy jaǵajai jumysyna tyiym salynǵan. Al qosymsha engizilse, erejege sai qyzmet kórsetedi», - dedi oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Aqtóbe oblysy boiynsha 24-30 maýsym aralyǵynda «qyzyl» mártebesi bar eki, «sary» mártebesi bar 9 adamnyń karantin talabyn saqtamaǵany anyqtaldy. Bir adam ákimshilik jaýapqa tartylyp, «sary» mártebesi bar adamdarǵa Bas sanitar dárigerdiń Qaýlysy berildi.
Aita keteiik, bir táýlikte taǵy 63 jaǵdai tirkeldi. Qazirgi kezde 173 adam infektsiialyq statsionarlarda em alyp jatyr. Onyń 129-y qalada.
Oblystyq densaýlyq saqtaý basqarmasy basshysynyń orynbasary Bekbolat Izbasarovtyń aitýynsha, 16 adam jansaqtaý bólimine túsken. Onyń úsheýi ókpeni jasandy jeldetý apparatyna qosyldy. Sondai-aq 40 baladan COVID-19 anyqtalyp, onyń jeteýi aýrýhanada jatyr. Virýs juqtyrǵan 15 júkti kelinshektiń altaýy aýrýhanada.
