Ashyq jobasy aiasynda karantin talaptaryn saqtamaǵan «qyzyl» jáne «sary» mártebedegi 16 663 adam anyqtaldy. Bul týraly QR Densaýlyq saqtaý ministri Aleksei Tsoi aityp berdi, dep habarlaidy QazAqparat.
«Ashyq jobasyna qosylý talaptaryn jeńildetý qatysýshylar sanynyń 3 ese artýyna yqpal etti. Osylaisha, 27 shildeden 3 tamyzǵa deiin 21 900 qatysýshydan 67 782 qatysýshyǵa deiin ósim baiqaldy», - dedi ministr Úkimettiń búgingi otyrysynda.
Onyń aitýynsha, «Ashyq» jobasy aiasynda monitoring toptary 50 myńnan astam nysandy tekserdi jáne 642 nysannan zańbuzýshylyq anyqtady.
«Tsifrlyq damý, innovatsiialar jáne aeroǵarysh ministrliginiń derekterine sáikes, 10 shildeden beri 16 663 ereje buzýshy anyqtaldy, onyń ishinde 10 305 kelýshi «qyzyl» mártebemen, 6 358 adam – «sary» mártebemen kópshilik jinalatyn oryndarǵa kirgisi kelgen. Osylaisha, 16 myńnan astam nysanda halyqtyń KVI juqtyrýyna jol berilmedi», - deidi Tsoi.
Aita keteiik, epidemiologiialyq ahýaldy baǵalaý matritsasyna sáikes Qazaqstan Respýblikasy 26 maýsymnan beri qyzyl aimaqta tur. Túrkistan oblysynan basqa óńirler túgel «qyzyl» aimaqta.
3 tamyzdaǵy jaǵdai boiynsha, respýblikadaǵy infektsiialyq tósek-orynnyń 56 paiyzynda, reanimatsiialyq tósek-orynnyń 44 paiyzynda naýqastar jatyr.
