Premer-Ministr Asqar Mamin Densaýlyq saqtaý ministrligine «Atameken» UKP-men birlesip «Ashyq» jobasyna qatysýshylarǵa demalys kúnderi jumys isteýge múmkindik berý máselesin pysyqtaýdy tapsyrdy.
Bul týraly búgin Kásipkerlik máseleleri jónindegi jobalyq keńse otyrysynda málim boldy, dep habarlaidy Úkimet basshysynyń resmi saityn.
Otyrys barysynda «Ashyq» jobasyn odan ári damytý máselelerine erekshe nazar aýdaryldy.
«Qazirgi ýaqytta oǵan qatysýshylardyń sany 111 myńnan asady. Olardyń jartysynan kóbi saýda, tamaqtaný jáne bilim berý salalarynda qyzmet kórsetedi. Karantin talaptaryn buzýshylardy anyqtaý jobaǵa qatysýshylardyń sanyn arttyrý esebinen 15 ese ósti. Biznes sýbektilerin qamtýdy odan ári ulǵaitý maqsatynda «Ashyq»-qa qatysýǵa ótinim berý jáne QR-kod alý tártibi jeńildetildi», delingen habarlamada.
