QR Parlamenti Senatynyń tóraǵasy Máýlen Áshimbaev Jambyl oblysyndaǵy áskeri bólimde bolǵan jarylysqa qatysty pikir bildirdi, dep habarlaidy "Ult aqparat".
«Apat aityp kelmeidi. Jambyl oblysynda bolǵan tótenshe jaǵdai bárimizdi alańdatyp otyrǵany ras. Mundai syn-saǵatta, eń aldymen, baibalamǵa salynbaýdyń mańyzdy ekeni túsinikti. Qazir apat aýmaǵyndaǵy ahýal Memleket basshysynyń baqylaýynda. Prezidentimizdiń tapsyrmasymen tiisti organdardyń basshylary oqiǵa ornyna shuǵyl baryp, oblys basshylyǵymen birlesip áreket etýde. Sondai-aq, Baizaq aýdanynda jedel shtab qurylyp, qutqarýshylar, áskeri qyzmetshiler, dárigerler jáne basqa da belsendi azamattar jumys istep jatyr. Ókinishke qarai, qaza tapqandardyń bar ekeni belgili boldy. Opat bolǵandardyń otbasylary men jaqyndaryna qaiǵylaryna ortaqtasyp, kóńil aitamyz jáne apattan zardap shekkenderdiń tezirek saýyǵyp ketýin tileimiz», - dep jazdy Senat Tóraǵasy Facebook paraqshasynda.
Esterińizge sala ketsek, keshe saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, arty birneshe jarylysqa ainalǵan. Sonyń saldarynan osy ýaqytqa deiin 5 áskeri qyzmetshiniń qaza tapqany, 3 áskeri qyzmetshi men tótenshe jaǵdailar departamentiniń birneshe mamanymen bailanystyń joqtyǵy belgili bolǵan edi.
