20 tamyzdaǵy jaǵdai boiynsha, Arys qalasynda 7056 jeke jáne kóp páterli úiler qalpyna keltirildi, dep habarlaidy "Ult aqparat" QR Indýstriia jáne infraqurylymdyq damý ministrliginiń baspasóz qyzmetine silteme jasap habarlaidy.
Jambyl, Qaraǵandy, Qyzylorda, Túrkistan oblystary men SQO sektorlarynda qurylys jumystary tolyǵymen aiaqtaldy. Pavlodar, Mańǵystaý, Aqtóbe jáne Aqmola oblystarynyń sektorlary 99%-ǵa qalpyna keltirildi. Arystyń turǵyn úi qorynda 5 myńnan astam jumysshy jumysyn jalǵastyrýda.
Búgingi kúni 698 turǵyn úide árleý jumystary júrgizilýde, taǵy 41 úidi qurylysshylar nólden bastap turǵyzdy. Menshik ieleriniń kelispeýine bailanysty 34 úide jóndeý jumystary júrgizilmei tur.
2 myńǵa jýyq qurylysshy áleýmettik nysandarda jumys isteidi, olar bilim berý mekemeleriniń 50 ǵimaratyn, 4 densaýlyq saqtaý nysanyn jáne eki sport mektebin paidalanýǵa tapsyrdy. Sondai-aq qalada 316 jóndelgen kommertsiialyq nysan jumys isteýde.
