19 tamyz kúni Arys qalasyndaǵy 7034 úide negizgi qalpyna keltirý jumystary aiaqtaldy.
Onyń 751-de kosmetikalyq jóndeý jumystary júrgizilýde, - dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Sondai–aq 56 áleýmettik nysan, olar: 50 bilim berý, 4 densaýlyq saqtaý jáne 2 sport nysandary paidalanýǵa berildi.
Qalada 7,5 myń adam jumys isteidi, onyń 5 myńy turǵyn úi qoryn qalpyna keltirýde. Qazirgi tańda 33 apatty jaǵdaidaǵy samandy turǵyn úidiń ornyna qurylysshylar kirpish úi saldy. Jalpy, sarapshylardyń qorytyndysy boiynsha 455 jeke turǵyn úi qurylysynyń nysany buzylýǵa jatady. Barlyq kúshter qazir olardy qalpyna keltirýge jiberildi.
Sonymen qatar, menshik ieleriniń kelispeýi sebebinen 34 úide jóndeý jumystary áli bastalǵan joq. Daýly máselelerdi 17 sektorda bekitilgen ákimdikterdiń ókilderi pysyqtaidy.
