Qazaqstan halqy Assambleiasy Arys turǵyndaryna 51 mln teńgeniń kómegin kórsetti. Bul týraly búgin QHA Tóraǵasynyń birinshi orynbasary Janseiit Túimebaev aitty, dep habarlaidy QazAqparat.
«Búgingi kún tártibinde qoǵamdaǵy turaqtylyq pen etnosaralyq kelisim, áleýmettik birlikti nyǵaitýda jýrnalister qaýymy aldynda turǵan mindetter talqylanady. Sondai-aq Qazaqstan halqy Assambleiasynyń Túrkistan oblysy Arys qalasyndaǵy tótenshe jaǵdaiǵa bailanysty kórsetip jatqan kómegine toqtalatyn bolamyz. Qazaqstan halqy qiyn-qystaý sátteri judyryqtai jumylyp, eldik pen birliktiń úlgisin kórsetti» dedi Qazaqstan halqy Assambleiasy Jýrnalister klýbynyń otyrysyn ashqan Janseiit Túimebaev.
Onyń atap ótýinshe, Qazaqstan halqy Assambleiasy 24 maýsym kúni jedel túrde Shymkent qalasyndaǵy Túrkistan oblystyq Dostyq úiinde zardap shekkender men Arys qalasynan kóshirilgenderge kómek kórsetý maqsatynda shtab qurdy. Barlyq óńirdegi Dostyq úilerinde kómek qabyldaý pýnktteri iske qosyldy.
«27 maýsym, iaǵni búgingi kúnge deiin Qazaqstan halqy Assambleiasy kórsetken kómektiń jalpy somasy 51 mln 331 myń teńgeni qurap otyr. Sondai-aq QHA men «Qoǵamdyq kelisim» memlekettik mekemeleri bir kúndik jalaqylaryn Túrkistan áleýmettik-korporativtik damý qoryna aýdardy. QHA «Jańǵyrý joly» respýblikalyq jastar qozǵalysy «Jaqsylyq jasa» jobasy aiasynda Túrkistanǵa kómekke attaný maqsatynda volonterlyq top qurdy» dedi ol.
