Búgin Arys qalasyn qalpyna keltirý jumystary boiynsha oblys ákimi Ómirzaq Shókeevtiń tóraǵalyǵymen jiyn ótti, dep habarlaidy "Ult aqparat" ákimdiktiń baspasóz qyzmetine silteme jasap.
Májiliske qatysqan QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaevtyń aitýynsha, barlyq sektorda qurylys qarqyndy júrip jatyr. Arasynda jospardan keshikkenderine, jumys kúshi jetpei jatqan oblystarǵa tiisti eskertýler berilip, jumys tolyq baqylaýǵa alynǵan.
Osy derekterge toqtalǵan vitse-ministr qurylys aýmaǵyna merdigerler men jumysshylardy kóbeitý kerektigin de atap ótti.
Qala jáne qala mańynan 20 shaqyrym aýmaqta áskeriler tekserý, tazalaý jumystaryn jalǵastyrýda. Arnaiy tikushaqpen de monitoring jasap júrgen áskeriler oq-dári tazalanǵanyn, jarylys qaýpi joq ekenine kóz jetkizgen. Bul týraly QR Qorǵanys ministriligiń ókili Rýslan Shpekbaev málimdedi. 42 toptan quralǵan saperlar kúsheitilgen rejimde jumys isteýde. Turǵyndardyń shaqyrtýlaryna da jedel jetetin kezekshiler uiymdastyrylǵan.
Túrkistan oblystyq politsiia departamenti bastyǵynyń orynbasary Ábdiǵani Seidýalievtiń aitýynsha, qala qaýipsizdigi men tynyshtyǵyn 300-den astam politsei kúzetýde. 17 sektordyń bárinde tártip saqshylary kezekshilik jasaýda.
Túrkistan oblystyq qurylys basqarmasy basshysynyń orynbasary Erbol Ahmetov qalada qurylys jáne jóndeý jumystary bastalyp ketkenin málimdedi. Al oblystyq qarjy basqarmasynyń basshysy Arman Tasybaev 100 myń teńge ótemaqyǵa qujat tapsyrǵandar sany 99 paiyzdan asqanyn jetkizdi. Taiaýda 100 paiyzǵa jetedi. Sebebi bul baǵytta jumys oidaǵydai júrip jatyr. Qujattar tekserilgen soń tamyz aiynyń basynda turǵyndarǵa ótemaqy berile bastaidy.
Túrkistan oblystyq emhanasynyń bas dárigeri Marat Pashimov jarylys saldarynan zardap shekken 65 naýqas jazylyp, aýrýhanadan shyqqanyn aitsa, oblys ákiminiń keńesshisi Ulasbek Sádibekov barlyq sektorlarda turǵyndardyń talap-tilegi tyńdalyp, 800-ge jýyq jergilikti belsendi, el aǵalary men úkimettik emes uiym músheleri gýmanitarlyq jáne ózge de kómekterdi uiymdastyrý sharalaryna tartylǵanyn málimdedi. Turǵyndar úshin jármeńkeler da jalǵasyn tappaq.
Árbir jaýapty basshyny jeke-jeke tyńdaǵan oblys ákimi Ómirzaq Shókeev jumysqa asqan jaýapkershilikpen qaraý kerektigin eskertti. Qalany tiimdi basqarý jáne turǵyndarǵa qolaily jaǵdai jasaý úshin 17 sektordy bolashaqta da qaldyrý kerektigin aitty.
Sonymen birge qurylysty kesheýildetip jatqan sektorlarda jumysty shiratýdy tapsyrdy.
