Aldaǵy kúzgi-qysqy kezeńge otyn qory ótken jylmen salystyrǵanda 21%-ǵa artyq, - dep habarlady QR Energetika ministrliginiń Atomdyq jáne energetikalyq qadaǵalaý jáne baqylaý komiteti tóraǵasy Serik Súleimenov.
«Jalpy, energiia kózderiniń qoimalarynda qazirgi tańda 3,7 mln tonna kómir qory jinaqtalǵan. Bul kómir qory ótken jylmen salystyrǵanda 21%-ǵa artyq. 103 myń tonna mazýt qory bar, bul ótken jylmen salystyrǵanda 24%-ǵa artyq. Búgingi kúngi jinaqtalǵan otyn qory jylý kezeńin bastaý úshin jetkilikti», — dedi S. Súleimenov.
Onyń aitýynsha, energetikalyq kásiporyndar otyndy kelisimshart boiynsha bekitilgen kestege sáikes satyp alady.
Sonymen qatar S. Súleimenov tótenshe jaǵdai saldarynan adamdardyń elektr togynan zardap shegý qaýpin boldyrmaý jáne órttiń shyǵýynyń aldyn alý maqsatynda Arys qalasynyń jaryq taratý jelileri basty shaǵyn stantsiiadan kesilgenin aitty. Arys qalasyna qyzmetkerler kirgizilgen soń apat saldaryn qalpyna keltirý jumystary júrgizildi. Biyl 26 maýsymda qalany jaryqtandyrý tolyq qalpyna keltirildi.
«28 maýsymda Arys qalasyn jáne Arys aýdanyn elektrmen jabdyqtaýdyń taratylýyn qalpyna keltirý boiynsha jóndeý jumystary aiaqtaldy, qazir Arys qalasyndaǵy energiia nysandary jylý maýsymyna ázir», — dep sendirdi ol.
Qaladaǵy jylýmen qamtý tehnologiialyq jelisinde zaqymdanýlar baiqalmady. Búgingi tańda qazandyqtarda otynnyń 75%-y daiyndalǵan.
Arys qalasy boiynsha tutynýshylar sany 9 765 abonent, onyń ishinde 92 áleýmettik nysan bar: mektepter sany — 28, aýrýhanalar — 20, balabaqshalar — 28, meshitter — 10, ákimshilik ǵimarattar — 6.
