Arys qalasynda qalpyna keltirilip jatqan barlyq úi 20 qyrkúiekte tapsyrylady. Bul týraly Túrkistan oblystyq Qurylys basqarmasy basshysynyń orynbasary Erbol Ahmetov aitty, dep habarlaidy "Ult aqparat".
Túrkistan oblysynyń ákimi Ómirzaq Shókeev tóraǵalyq etken jiynda ár sektordaǵy qurylys jumystary baiandaldy.
Qurylys basqarmasy basshysynyń orynbasary Erbol Ahmetovtyń sózinshe, Arys qalasynda ornalasqan 7, 8, 9, 10 jáne 11-shi sektorlarda jalpy zaqymdalǵan úilerdiń sany - 2971. Onyń ishinde, jóndeýdi qajet etetin 2563 jeke jáne 73 kópqabatty turǵyn úiler, sonymen qatar, jańadan salynyp jatqan 335 úi bar. Máselen, Túrkistan oblysyna tiesili 7-sektorda zaqymdalǵan 478 úi tirkelgen. Búgingi kúnge jóndeýdi qajet etetin jeke jáne kópqabatty turǵyn úilerde jumystar tolyq aiaqtaldy.
«Shymkent qalasyna tiesili 10-sektorda – 636 úi bar bolsa, búgingi kúnge jóndeýdi qajet etetin 8 jeke jáne 2 kópqabatty úidiń syrtqy jáne ishki árleý jumystary qolǵa alynǵan. Al Batys Qazaqstan oblysyna qarasty 11-sektorda 627 úi bar. Búgingi kúnge jóndeýdi qajet etetin 107 jeke jáne 2 kópqabatty úidiń syrtqy jáne ishki árleý jumystary júrgizilýde. Aǵymdaǵy jyldyń 20-qyrkúieginde barlyq úiler paidalanýǵa tapsyrylady», - dedi Erbol Ahmetov qalada ótken apparattyq jiynda.
Onyń aitýynsha, jańadan qurylysy júrgizilip jatqan 100 úide tiisti jumystar júrgizilýde. Shyǵys Qazaqstan oblysy qarasty 8-sektorda 537 úi bar bolsa, jóndeýdi qajet etetin 65 úidiń syrtqy jáne ishki árleý jumystary júrgizilýde. Jańadan qurylysy júrgizilip jatqan 5 úidiń barlyǵynda tiisti jumystar atqarylýda.
Sondai-aq, jiynda Túrkistan oblysynyń memlekettik sáýlet-qurylys baqylaýy basqarmasynyń basshysy Muhit Turysbekov qurylys-jóndeý jumystyranyń talapqa sai júrip jatqandyǵyn jetkizdi.
Óz kezeginde Ómirzaq Shókeev jóndeý jumystaryn jedeldetip, qurylysy baiaýlap jatqan sektorlar boiynsha arnaiy komissiia qurýdy tapsyrdy. Sala mamandaryna barlyq jumystardy qatań baqylaýǵa alý qajettigin atap ótti.
