Túrkistan oblysy Arys qalasynda ótken resmi is-shara barysynda jastar tóbelesip qalǵan. Bul kórinis áleýmettik jelilerge keńinen tarap ketken, dep habarlaidy "Ult aqparat".
Túrkistandyq politseiler áleýmettik jelide jariialanǵan beinejazbadan buzaqylyq jasaǵan tulǵalardy anyqtaǵan.
Oblystyq PD baspasóz qyzmetiniń málimetinshe, atalǵan beinejazba monitoring jasaý kezinde anyqtalǵan.
Ony tekserý kezinde oqiǵa Arys aýdany ǵimarattarynyń birinde resmi is-shara barysynda oryn alyp, keiin kóshede jalǵasqany belgili boldy.
Atalǵan jaitty politseiler QR QK 293-baby boiynsha tirkegen.
Artynsha jedel-izdestirý sharalary júrgizilip, tóbeleske qatysýshylardy tapqan.
Olar - eki oqý ornynyń stýdentteri, iaǵni jergilikti jastar bolyp shyqqan.
Tóbeleskender birden politsiia bólimine jetkizilgen.
«Qazirgi ýaqytta sotqa deiingi tergeý júrgizilip, oqiǵanyń mán-jaiy anyqtalyp jatyr. Sondai-aq is-sharany uiymdastyrýshylarǵa qatysty QR ÁQBtK 425-baby boiynsha materialdar jinalǵan. Ákimshilik hattama toltyrý úshin SEBB-ǵa joldanǵan. Sonymen qatar, bul jait boiynsha búgingi kúnge deiin politsiiaǵa eshkimniń aryz-shaǵym túspegen» delingen habarlamada.
