Aqmola oblysynyń Arshaly aýdanynda Jibek joly kentiniń ainalasyna topyraqtan turǵyzylǵan eki shaqyrymdyq bógetti nyǵaitý jalǵasýda, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, bul jumystarǵa azamattyq qorǵanys polkiniń 52859 áskeri bólimi men Aqmola oblysy TJD jeke quramy, jergilikti atqarýshy organdardan 12 adam jáne 3 eskavator jumyldyrylǵan. Sondai-aq, bes turǵyn úidiń aýla aýmaǵynda tórt motopompamen sý sorǵyzý júrgizilip jatyr.
«Qazirgi ýaqytta jaǵdai tolyǵymen baqylaýda. Aǵyn sý shtattyq rejimde aǵyzylýda. Eldi mekenderdi sý basý qaýpi joq. Qutqarýshylar men jergilikti atqarýshy organdar ótken táýlikte Arshaly aýdanynda 700 tekshe metr sý sordy, 6 550 qap inertti materialǵa toltyrylyp, qum salynǵan 3 200 qap tóseldi», - dedi vedomstvodan.
Eske sala ketsek, keshe Arshaly aýdanyna sý tasqynymen kúresý úshin Aqmola oblysy TJD qosymsha kúshteri men quraldary, sondai-aq, Qaraǵandy oblysynyń áskeri bólim qyzmetkerleri jiberildi.
