Ekologiia ministrligi «ArselorMittal Temirtaý» kompaniiasyna Temirtaýda 500 myń aǵash otyrǵyzýdy mindettedi, dep habarlaidy ministrliktiń baspasóz qyzmeti.
Bul týraly QR ekologiia, geologiia jáne tabiǵi resýrstar ministrligi uiymdastyrǵan brifing barysynda habarlandy. Ministrliktiń Ekologiialyq retteý jáne baqylaý komitetiniń tóraǵasy Zulfuhar Joldasov «ArselorMittal Temirtaý» AQ-daǵy jaqynda bolǵan avariialyq jaǵdaiǵa qatysty aqparat berdi.
Komitet basshysynyń sózine qaraǵanda, 19 aqpanda kompaniianyń konverter tsehtarynyń birinde tazartý jabdyqtarynyń jumysynda aqaýlar bolǵan. Osyǵan bailanysty bir saǵattyń ishinde búkil gaz kólemi qorshaǵan ortaǵa tazartýsyz kirdi. Aýmaqtyq ekologiia departamenti jedel túrde bul fakt boiynsha jospardan tys tekserý júrgizdi.
«Qazir bizdiń mamandar kásiporynda, tekserý júrgizilýde. Eń bastysy, biz kelesi máseleler boiynsha sharalar qabyldaimyz – ýaqtyly habarlamaý, normativterden asyp ketý, tazartý qurylystaryn paidalanýdy buzý, saraptamadan aýytqý», - dep atap ótti komitet tóraǵasy.
Ol sondai-aq osy oqiǵaǵa bailanysty Ekologiia ministrliginiń basshysy Maǵzum Myrzaǵaliev «ArselorMittal» kompaniiasynyń vitse-prezidenti Vijai Goial myrzamen kezdeskenin habarlady. Kezdesý barysynda ministr kásiporyn óndirisin ekologiialandyrý boiynsha naqty tapsyrmalar berdi.
Atap aitqanda, jańa ekologiialyq kodekske sáikes eń ozyq qoljetimdi tehnologiialarǵa kóshýdi júzege asyrý, emissiialar monitoringiniń avtomattandyrylǵan júiesin engizý jáne Temirtaýda 500 myń aǵash otyrǵyzý.
Sonymen qatar, Zýlfýhar Joldasov «ArselorMittal Temirtaý» jumysyndaǵy júieli problemalardyń biri JEO-nyń eskirgen jabdyqtary bolyp tabylatynyn habarlady.
«Temirtaý-aýasy barynsha lastanǵan qala. Qazgidromettiń málimetteri boiynsha 2 jyl ishinde lastaný deńgeiiniń 10 eseden astamǵa artýynyń 67 jaǵdaiy tirkeldi. Shyǵaryndylardyń negizgi úlesi «ArselorMittal Temirtaýǵii» tiesili. Júrgizilgen tekserýler kezinde kásiporynda shań boiynsha ruqsat etilgen normalardan 125 ese asyp ketý tirkeldi», - dedi spiker.
Zulfuhar Joldasov kompaniianyń tabiǵatty qorǵaý is-sharalary qaǵaz júzinde ǵana «jumys isteitinin» atap ótti.
«Biz kompaniianyń tabiǵatty qorǵaý is-sharalarynyń tiimdiligin taldadyq. Máselen, sońǵy 5 jylda kásiporyn tabiǵatty qorǵaý is-sharalaryna 28 mlrd.teńge jumsady, nátijesinde shyǵaryndylar tek 190 tonnaǵa ǵana tómendetildi, bul shyǵaryndylardyń jalpy kóleminiń 0,08%-y»,- dedi komitet basshysy.
Eske salsaq, Ekologiia ministri «ArselorMittal Temirtaý» basshylyǵyna óndiristi jańǵyrtý týraly shart qoiǵan edi.
