Foto: Akorda.kz
Prezident Qasym-Jomart Toqaev Premer-ministr, memlekettik organdar basshylary jáne óńir ákimderimen ótkizgen keńesi barysynda eskertkish ornatý máselesin synǵa aldy, - dep habarlaidy "Ult aqparat" Aqordanyń baspasóz qyzmetine silteme jasap.
"Sońǵy kezde bir aimaqqa ǵana belgili adamdarǵa eskertkish ornatý sánge ainaldy. Jergilikti onomastika komissiialary buǵan jol bermeýge tiis. Orynsyz sheshimderge Respýblikalyq komissiia tosqaýyl qoiýy kerek. Árkim óz babasyna eskertkish qoia berse, elde rýshyldyq, jershildik beleń alady. Osyǵan nazar aýdaryńyzdar.
Keńestik kezeń qairatkerlerine, sonyń ishinde jappai qýǵyn-súrginge tikelei qatysy bar adamdarǵa eskertkish, biýst ornatý isi áli jalǵasyp keledi. Ómirde bolmaǵan erlik isterge toly ómirbaiandar oidan qurastyrylyp jatyr. Olar týraly derekter arhiv qujattarynda naqtylanbaǵan nemese múlde joq. Keibir belsendi toptar azamattarymyzdy keńestik kezeńdegi partiia jáne memleket qairatkerleriniń ańyzǵa bergisiz ómirbaiandaryna senýge májbúrlep júr", – dedi Memleket basshysy.
