Qostanai oblysynyń jedel járdem kóliginiń baspasóz qyzmeti bir kún buryn aýdarylyp qalǵan sanitarlyq aviatsiia bortyndaǵy jolaýshylardyń jaǵdaiy týraly habarlady. Onyń atap ótýinshe, adam ómirine qaýip tónip turǵan joq, ishinde bolǵan naýqastyń jaǵdaiy turaqty, dep habarlaidy "Ult aqparat".
Eske sala ketsek, oqiǵa bir kún buryn bolǵan: Arqalyq-Aqsuńqar arasynda sanitarlyq reis oryndaityn Navigator aviakompaniiasynyń An-2 ushaǵy áýege kóterilgennen keiin 16:10–da aiaq astynan biiktigin birden tómendetip, erigen qar sýy jinalǵan sý aidynyna syrǵyp tústi.
Bortta ushqyshtar, sanitarlyq aviatsiia brigadasy jáne patsient bolǵan.
«Tótenshe jaǵdai oryn alǵan jerge 3 jedel járdem brigadasy shyqty. Órt sóndirýshilerge ushaqtaǵy barlyq adamdardy evakýatsiialaýǵa kómekteskeni úshin alǵys aitamyz. Abyroi bolǵanda, borttaǵylardyń barlyǵy aman. Ekipaj, patsient jáne sanitarlyq aviatsiia brigadasy tekserý úshin Arqalyq oblystyq aýrýhanasynyń jedel járdem bólimine jetkizildi. Sanitarlyq aviatsiia toby músheleriniń eshqaisysy aýrýhanaǵa jatqyzýdy qajet etpeidi. Oblys ortalyǵyna jetkizilip, qazir Arqalyq dárigerleriniń baqylaýynda jatqan naýqastyń jaǵdaiy birqalypty», - dep habarlady vedomstvodan.
Sondai-aq patsient búgin sol sanitarlyq aviatsiia komandasymen, biraq jerdegi kólikpen tasymaldap jatqany atap ótildi.
