Úkimet otyrysynda QR Premer-Ministriniń orynbasary Eraly Toǵjanov oblys ákimderinen mektepterdegi sanitarlyq rejimniń qatań saqtalýyn qamtamasyz etýdi surady, dep habarlaidy QazAqparat.
«Oqý jylynyń basynda ákimdikter daiyndyqtaryn tolyqtai rastap, tiisti aktilerge qol qoiǵan bolatyn. Degenmen úginde árbir besinshi mektepte sanitarlyq rejimniń buzylýy anyqtalyp otyr. Ákimderden tez arada arnaiy jinalys ótkizip, anyqtalǵan kemshilikterdi joiý boiynsha qajetti sharalardyń bárin qabyldaýdy suraimyz», - dedi vitse-premer Úkimet otyrysynda.
Sondai-aq, búgingi Úkimet otyrysynda Densaýlyq saqtaý ministri Aleksei Tsoi 20 qazannan bastap karantin talaptary jeńildei túsetinin málim etti.
«Epidemiologiialyq jaǵdaidyń turaqtanýyn, sondai-aq vedomstvoaralyq komissiianyń vaktsinatsiiaǵa jatatyn kontingenttiń 70%-dan astamyn ekpemen qamtyǵanyn eskere otyryp, 2021 jylǵy 20 qazannan bastap mynadai sharalarǵa ruqsat berý týraly sheshim qabyldandy: Kelýshiler COVID-19-ǵa qarsy vaktsinatsiialaýdyń tolyq kýrsyn alǵany týraly qujatty nemese PTR anyqtamasyn usynǵan kezde qarttar men múgedekter úii, balalar úii siiaqty meditsinalyq-áleýmettik obektilerdiń patsientterine barýǵa ruqsat beriledi», - dedi vedomstvo basshysy.
Sondai-aq, ol túngi klýbtardyń qyzmeti tek «jasyl» mártebesi bar adamdarǵa arnalatynyn eskertti.
