Aqmola oblysynyń Stepnogorsk qalasynda terapevt dáriger qyzmettik páterin jekeshelendire almai, baspanasynan aiyrylyp qala jazdaǵan. Máselege prokýratýra aralasyp, meditsina qyzmetkeriniń quqyǵyn qorǵady, dep habarlaidy ult.kz.
Aqmola oblysy prokýratýrasynyń málimetinshe, dárigerge 2013 jyly jas maman retinde qyzmettik baspana berilgen. Ol zań boiynsha qajetti 10 jyldy adal eńbek etip ótegen.
Alaida keiin dárigerge páterdi jekeshelendirýge ruqsat berilmegen. Buǵan qalalyq emhananyń jeke kompaniiaǵa senimgerlik basqarýǵa berilýi sebep retinde kórsetilgen.
Prokýratýra tekserý barysynda memlekettik-jekeshelik áriptestik týraly kelisimniń meditsina qyzmetkeriniń turǵyn úi quqyqtaryn shektemeitinin anyqtady.
Sonymen qatar dáriger zań talaptaryna sáikes kelgen jáne onyń basqa baspanasy bolmaǵan.
Prokýratýranyń aralasýynan keiin jekeshelendirýge kedergi bolǵan zańsyz shekteýler joiylyp, meditsina qyzmetkeriniń qyzmettik páterdi jekeshelendirýge quqyǵy resmi túrde tanyldy.
