Álemge tanymal Apple jáne Google kompaniialary kópten kútken qosymshany iske qosty. Ol COVID-19 juqtyrǵan adamnyń ornyn habarlaidy. Bul týraly "Ult aqparat" Technology Review-ge silteme jasap habarlaidy.
Bul qosymsha álemniń densaýlyq saqtaý organdaryna koronavirýstyń taralýyn qadaǵalaýǵa múmkindik beredi. Álemniń túrli elderiniń úkimeti endi bul tehnologiiany aýrý juqtyrǵan naýqastardy jáne olarmen bailanysta bolýy múmkin adamdardy baqylaý úshin qoldana alady.
Jiyrmadan astam el naýqaspen bailanysta bolǵan adamdardy baqylaýǵa arnalǵan óz qosymshasyn shyǵardy, biraq Apple jáne Google kompaniialarynyń birlesip jasaǵan qosymshasy pandemiiamen kúres protsesin edáýir jedeldetedi dep kútilýde.
Bul ǵalamdyq alpaýyttardyń seriktestigi aýrýdy juqtyrýy múmkin tasymaldaýshylardy tabý boiynsha aqparat almasýǵa múmkindik beredi.
Apple jáne Google bes qurlyqtaǵy 22 memleket, sonymen qatar AQSh birneshe shtaty API-ge qol jetkizgenin málimdedi.
Apple jáne Google kompaniialarynyń habarlaýynsha, koranavirýsy bar naýqastardy baqylaý tehnologiiasy pandemiiany jeńgen elderde birtindep óshiriledi.
Mundai tehnologiia pandemiia aýqymyn jeńýge kómektesedi. Sondai-aq jahandyq ekonomikany qalpyna keltirý protsesiniń bir bóligi bola alady.
