Apple aktsiialary iPhone 13 shyǵarylymynyń qysqarýy týraly habardan keiin tómendedi, - dep habarlaidy Tengrinews.kz.
Derekkózderge súiensek, kompaniia osy jyldyń sońyna deiin 90 million jańa iPhone modelderin shyǵarýy kerek bolǵan. Alaida qazir Apple óz seriktesterine olardyń jalpy sany 10 millionǵa az bolatynyn habarlady, óitkeni chipti jetkizýshiler, sonyń ishinde Broadcom Inc. jáne Texas Instruments Inc. komponentterdiń qajetti sanyn jetkizýde problemalar bar.
Osyǵan bailanysty Apple aktsiialary saýda-sattyq kezinde 1,2 paiyzǵa, al Texas Instruments jáne Broadcom aktsiialary shamamen 1 paiyzǵa tómendedi.
Aita keteiik, chipterdiń jahandyq jetispeýshiligi bir jyldan astam ýaqyt boiy kóptegen tehnika men avtomobil óndirýshileri úshin mańyzdy másele bolyp otyr.
Buǵan deiin Apple kúzgi prezentatsiiada óziniń gadjetteriniń jańa modelderin jariialady jáne jańa iPhone 13 smartfonyn kórsetti.
Eske salaiyq, búginnen bastap jańa taýarlarǵa aldyn ala tapsyrys berýge bolady, al satylym 15 qazanda bastalady. Alǵashqy satyp alýshylar ózderi úshin qolaily bólip tóleý jáne saýda qyzmetin paidalaný, iaǵni eski qurylǵyny jańasyna aiyrbastaý sharttaryn paidalana alady.
15-17 qazan aralyǵynda iPhone 12-ge aiyrbastap, qalǵanyn bólip tólep, aiyna 11 250 teńgege jańa iPhone 13 satyp alýǵa bolady. Biraq asyǵý kerek, óitkeni taýar sany shekteýli.
Mundai sharttardy iPoint, Technodom, Sulpak, Mechta, Evrika, Fora sekildi tek resmi satýshylar ǵana usynatynyn atap ótý kerek.
